MPમાં શિવરાજ સિંહે વિદિશામાં મેળવી જોરદાર જીત, 10 લાખથી પણ વધુ વોટ મળ્યા

મધ્યપ્રદેશે ભારતીય જનતા પાર્ટી (BJP)ને નિરાશ કરી નથી, જે 2024ની લોકસભા ચૂંટણીમાં અપેક્ષાઓથી વિપરીત પ્રદર્શન કરી રહી હોવાનું જણાય છે. અહીં રાજ્યની તમામ 29 બેઠકો પર તેની જીત દેખાઈ રહી છે. પૂર્વ મુખ્યમંત્રી શિવરાજ સિંહ ચૌહાણ, જેઓ એક સમયે ભાજપમાં સુશાસનના પર્યાય હતા, તેમણે વિદિશા લોકસભા બેઠક પરથી જંગી જીત નોંધાવી છે. તેમને અહીં કુલ 10 લાખ 93 હજાર 215 મત મળ્યા છે.

શિવરાજ સિંહે વર્ષ 1991માં પહેલીવાર વિદિશાથી લોકસભા ચૂંટણી જીતી હતી અને તેઓ છઠ્ઠી વખત અહીંથી સાંસદની ચૂંટણી જીત્યા છે. દેશની લોકસભા ચૂંટણીમાં વિદિશાનું ઐતિહાસિક મહત્વ છે. અહીં ભૂતકાળમાં પૂર્વ વડાપ્રધાન અટલ બિહારી વાજપેયી અને પૂર્વ કેન્દ્રીય મંત્રી સુષ્મા સ્વરાજ પણ અલગ-અલગ સમયે ચૂંટણી જીતીને સંસદ પહોંચ્યા છે.