![](https://www.rakhewaldaily.com/wp-content/uploads/2024/02/કપૂરપુર-પ્રાથમિક-શાળાના-આચાર્યને-02.jpg)
કપૂરપુર પ્રાથમિક શાળાના આચાર્યને શિક્ષણાધિકારીએ નોટિસ ફટકારી
કપૂરપુર પ્રાથમિક શાળાના આચાર્યને શિક્ષણાધિકારીએ નોટિસ ફટકારી: બનાસકાંઠા જિલ્લાના કપૂરપુર પ્રાથમિક શાળાના વિદ્યાર્થીઓને મીની ટેમ્પોમાં ખીચોખીચ ભરીને પ્રવાસે લઈ જવાનો વીડિયો વાયરલ થયો હતો. જે અંગે સ્થાનિકોએ મીની ટેમ્પોને અટકાવી પૂછપરછ હાથ ધરી હતી. આ મીની ટેમ્પોમાં ૩૫ જેટલા વિદ્યાર્થીઓ હોવાનું શાળા શિક્ષકે સ્થાનિકોની પૂછપરછમાં કબૂલ કર્યુ હતું. ત્યારે આ બાબતે જિલ્લા શિક્ષણ તંત્ર હરકતમાં આવ્યું છે.
જેમાં પ્રાથમિક શિક્ષણાધિકારી વિનુ પટેલ દ્વારા આ મામલે તપાસ શરૂ કરવામાં આવી છે. જેમાં શાળા ના આચાર્યને આ અંગેની નોટિસ આપવામાં આવી છે અને ખુલાસો પૂછવામાં આવ્યો છે. જેમાં શાળાના પ્રવાસ અંગે મંજુરી મેળવવાને લઈ અધિકારી દ્વારા બેદરકારી નહી દાખવવા માટે સૂચનાઓ આપવામાં આવી છે.
Tags Banaskantha Deesa Dhanera diyodar