ફાઈટરએ 11માં દિવસે કરી બમ્પર કમાણી, 200 કરોડની કમાણીથી માત્ર આટલી દૂર
બોલિવૂડ સુપરસ્ટાર રિતિક રોશનની ફિલ્મ ફાઈટર રિલીઝના બીજા સપ્તાહમાં પણ સારી કમાણી કરી રહી છે. ફિલ્મને તેના બીજા વીકેન્ડમાં પણ સારા દર્શકો મળ્યા છે. હૃતિકની ફિલ્મે 11માં દિવસે ઘણી કમાણી કરી લીધી છે અને તેની સાથે જ ફિલ્મ 200 કરોડની કમાણી તરફ ઝડપથી આગળ વધી રહી છે. ફિલ્મના બોક્સ ઓફિસ કલેક્શનના લેટેસ્ટ આંકડા સામે આવ્યા છે.
રિતિક રોશનની આ ફિલ્મ ગણતંત્ર દિવસના અવસર પર રીલિઝ થઈ હતી. આ વાતથી ફિલ્મને ઘણો ફાયદો થયો છે. આ સિવાય ફાઈટરને ટક્કર આપવા માટે બોક્સ ઓફિસ પર હાલમાં કોઈ મોટી ફિલ્મ નથી. રિતિકની ફિલ્મ પણ આનો ભરપૂર ફાયદો ઉઠાવી રહી છે. સકનિલ્કના અહેવાલો અનુસાર, હૃતિકની ફિલ્મે 11માં દિવસે 13 કરોડ રૂપિયાની કમાણી કરી લીધી છે. ફિલ્મે પહેલા અઠવાડિયામાં 146.50 કરોડ રૂપિયાની કમાણી કરી લીધી છે. આ રીતે જોઈએ તો ફિલ્મનું 11 દિવસનું કુલ બોક્સ ઓફિસ કલેક્શન 175.75 કરોડ રૂપિયા થઈ ગયું છે.
ફિલ્મ માટે 200 કરોડ રૂપિયાનો રસ્તો મુશ્કેલ નથી લાગતો. જો કે વીકએન્ડ પર ફિલ્મની કમાણીમાં ઘટાડો જોવા મળી શકે છે, એવી અપેક્ષા રાખવામાં આવે છે કે આગામી સપ્તાહમાં પણ ફિલ્મ ઘણી કમાણી કરશે. આશા છે કે આગામી સપ્તાહના અંત સુધીમાં ફિલ્મ 200 કરોડથી વધુનું કલેક્શન કરી લેશે. ફિલ્મનું બજેટ પણ 200 કરોડની આસપાસ છે. આવી સ્થિતિમાં જો ફિલ્મે નફો મેળવવો હશે તો ભવિષ્યમાં પણ તેની કમાણી ચાલુ રાખવી પડશે.
ફિલ્મને સૌથી મોટો ફાયદો એ છે કે જાન્યુઆરીની જેમ ફેબ્રુઆરી મહિનામાં બોક્સ ઓફિસ પર કોઈ મોટી ફિલ્મ રિલીઝ નથી થઈ રહી. આવી સ્થિતિમાં આ ફિલ્મ પાસે પોતાની કમાણીની લય જાળવી રાખવાની સુવર્ણ તક છે. સાઉથની મોટાભાગની ફિલ્મો ફેબ્રુઆરીમાં આવી રહી છે, તેથી રિતિક અને દીપિકાની ફાઈટરને તેનો ફાયદો મળી શકે છે.