ભારતે અંડર-19 વર્લ્ડકપમાં ન્યુઝીલેન્ડને 214 રનથી હરાવ્યું : મુશીર ખાને 131 રનની શાનદાર ઇનિંગ રમી

ભારતે સુપર સિક્સ ગ્રુપ-1 મેચમાં ન્યૂઝીલેન્ડને 214 રને હરાવ્યું છે. ઇન્ડિયાએ પ્રથમ બેટિંગ કરતા ભારતે 50 ઓવરમાં આઠ વિકેટ ગુમાવીને 295 રન બનાવ્યા હતા. મુશીર ખાને 131 રનની ઇનિંગ રમી હતી. જ્યારે આદર્શ સિંહે 52 રન બનાવ્યા હતા. જયારે ન્યુઝીલેન્ડની ટીમ  28.1 ઓવરમાં 81 રનમાં સમેટાઈ ગઈ હતી. ન્યૂઝીલેન્ડ તરફથી કેપ્ટન ઓસ્કર જેક્સન (19)એ સૌથી વધુ રન બનાવ્યા હતા. ભારત તરફથી સૌમી પાંડેએ ચાર વિકેટ ઝડપી હતી. જ્યારે મુશીર ખાન અને રાજ લિંબાણીને બે-બે વિકેટ મળી હતી.

ભારતે ગ્રુપ સ્ટેજમાં તેની ત્રણેય મેચ જીતી હતી. ભારતે તેની પ્રથમ મેચમાં બાંગ્લાદેશને 84 રને, બીજી મેચમાં આયર્લેન્ડને 201 રને અને ત્રીજી મેચમાં અમેરિકાને 201 રને હરાવ્યું હતું. ગ્રુપ-Aમાં ટીમ ઈન્ડિયા ટોપ પર હતી. ગ્રુપ A અને ગ્રુપ Dની ટોચની ત્રણ ટીમોને સુપર સિક્સ ગ્રુપ-1માં એકસાથે રાખવામાં આવી છે. તે જ સમયે, સુપર સિક્સના ગ્રુપ-2માં, ગ્રુપ-બી અને ગ્રુપ સીની ટોચની ત્રણ ટીમોને એકસાથે રાખવામાં આવી છે.ભારતના ગ્રુપમાં પાકિસ્તાન, ન્યુઝીલેન્ડ, બાંગ્લાદેશ, નેપાળ અને આયર્લેન્ડની ટીમ સામેલ છે. ગ્રુપ Aમાં ટોચની ટીમ સુપર સિક્સમાં ગ્રુપ Dમાં બીજા અને ત્રીજા સ્થાને રહેલી ટીમો સામે ટકરાશે. એ જ રીતે, ગ્રુપ Aમાં બીજા સ્થાને રહેલી ટીમનો સામનો ગ્રુપ Dમાં ટોચની અને ત્રીજા સ્થાને રહેલી ટીમો સાથે થશે. આવી સ્થિતિમાં ન્યુઝીલેન્ડ બાદ ભારત 2 ફેબ્રુઆરીએ નેપાળ સામે ટકરાશે. ભારતીય ટીમ હાલ સુપર સિક્સમાં ટોપ પર છે.