મોડાસા શહેરમાં પોદાર આંતરરાષ્ટ્રીય સ્કૂલ શરૂ કરાઇ

હાલ શિક્ષણ ક્ષેત્રે ગળાકાપ હરીફાઈ ચાલી રહી છે તેમજ અંગ્રેજી શિક્ષણ મેળવવું ખૂબ જરૂરી છે ત્યારે, મોડાસા ખાતે પોદાર ઇન્ટરનેશનલ સ્કૂલનો મોડાસા શહેરમાં શુભારંભ કરાયો હતો.મોડાસા શહેરને શૈક્ષણિક નગરી તરીકે ઓળખવામાં આવે છે. અલગ અલગ સંસ્થાઓમાં વિદ્યાર્થીઓ અભ્યાસ કરી રહ્યા છે. હાલના કોમ્પ્યુટર યુગમાં શૈક્ષણિક સંસ્થાઓની હરીફાઈ ચાલી રહી છે ત્યારે, મોડાસા ખાતે વધુ એક પોદાર ઇન્ટરનેશનલ સ્કૂલ નામના શૈક્ષણિક સંકુલની શરૂઆત કરાઈ છે. સમગ્ર દેશમાં 149 સંસ્થા ધરાવતી અને આનંદિલાલ પોદાર દ્વારા શરૂ કરાયેલી 95 વર્ષ જૂની સંસ્થાનો મોડાસા ખાતે શુભારંભ કરાયો છે.

અંગ્રેજી માધ્યમની પૂર્ણ ડિજિટલ સુવિધાઓવાળી સ્કૂલની શહરમાં કેટલાય સમયથી માગ છે ત્યારે, પોદાર ઇન્ટરનેશનલ સ્કૂલનો મોડાસામાં શુભારંભ કરાતા આસપાસની જનતામાં આનંદની લાગણી છવાઈ છે.