![](https://www.rakhewaldaily.com/wp-content/uploads/2024/01/પક્ષીને-બચાવવા-જતા-ફાયર-બ્રિગેડના-0555.jpg)
પક્ષીને બચાવવા જતા ફાયર બ્રિગેડના કર્મચારીનને કરંટ લાગતા મોત
અમદાવાદમાં ફાયર બ્રિગેડના કર્મચારીનું પક્ષીને બચાવવા જતા મોત થયું છે. અમદાવાદના ઘુમા સ્મશાન પાસે દેવ 94 બિલ્ડીંગ પાસે આ ઘટના બની હતી. ફાયર કર્મચારીનું કરંટ લાગવાથી મોત થયું હતું.
પક્ષીને બચાવવા જતાં ફાયર કર્મચારી ઇલેક્ટ્રિક વાયર સાથે ચોંટી ગયો હતો. જેથી તેનું મોત થયું હતું. અમદાવાદમાં ઉત્તરાયણ પર્વ પર ત્રણ દિવસમાં પક્ષીઓના રેસ્કયુ માટે ફાયર વિભાગને 62 કોલ મળ્યાં હતાં. અમદાવાદમાં 70 જેટલા પક્ષીઓને પતંગની દોરીથી ઈજાગ્રસ્ત થયા હતા અને 10 જેટલાં પક્ષીઓ મૃત્યું પામ્યા હતાં.