સુરતમાં બે BRTS બસ વચ્ચે અકસ્માત, 1નું મોત અને 8 ઈજાગ્રસ્ત થયા

રાજ્યમાં અકસ્માતનાં કિસ્સામાં ચિંતાજનક વધારો થયો છે ત્યારે વધુ એક ઘટના સુરતમાં સામે આવી છે. શહેરના કતારગામ જૂની GIDC પાસે પ્રમુખ સ્વામી બ્રીજ ઉતરતા રસ્તે ગમખ્વાર અકસ્માત સર્જાયો હતો. જેમાં એક BRTS બસની પાછળ બીજી BRTS બસ ધડાકાભેર અથડાઈ હતી. આ બસ અકસ્માતની આ ઘટનામાં 9 લોકોને ઈજા પહોંચી હતી. આ ઘટનામાં  1 યુવકનું મોત પણ નીપજ્યું છે.

પ્રાપ્ત વિગતો એવી છે કે સુરતના કતારગામ જૂની GIDC પાસે પ્રમુખ સ્વામી બ્રીજ ઉતરતા રસ્તે BRTS બસની પાછળ બીજી બસ ધડાકાભેર અથડાઈ હતી. બનાવની જાણ થતા પોલીસ તેમજ ફાયર વિભાગનો કાફલો પણ ઘટના સ્થળે દોડી આવ્યો હતો. ઈજાગ્રસ્ત લોકોને તાત્કાલિક સારવાર અર્થે હોસ્પિટલ ખસેડવામાં આવ્યા હતા. આ અકસ્માતમાં કુલ 9 લોકોને ગંભીર ઈજા પહોંચી હતી. જેમાં 1 યુવકનું મોત નીપજ્યું છે.