![](https://www.rakhewaldaily.com/wp-content/uploads/2023/12/EARTHQUACK-1.png)
અફઘાનિસ્તાનમાં ફરી આવ્યો જોરદાર ભૂકંપ
અફઘાનિસ્તાનમાં આજે સવારે ભૂકંપના જોરદાર આંચકા અનુભવાયા હતા. રિક્ટર સ્કેલ પર ધરતીકંપની તીવ્રતા 5.2 નોંધાઈ હતી. નેશનલ સેન્ટર ફોર સિસ્મોલોજીએ આ માહિતી આપી હતી. ભૂકંપના આંચકા સવારે 7:35 કલાકે અનુભવાયા હતા. ભૂકંપને લીધે જાનહાનિના કોઈ સમાચાર નથી. આપને જણાવી દઈએ કે, ગયા મહિને પણ અફઘાનિસ્તાનમાં જોરદાર ભૂકંપ આવ્યો હતો. જેમાં લગભગ 4 હજાર લોકો માર્યા ગયા હતા.
ઓક્ટોબરની શરૂઆતમાં જ અફઘાનિસ્તાનમાં એક પછી એક આવેલા અનેક ભૂકંપના આંચકાને પગલે મોટી જાનહાનિ થઈ હતી અને આશરે 4 હજારથી વધુ લોકોએ જીવ ગુમાવી દીધા હતા જ્યારે 9 હજારથી વધુ લોકો ઘાયલ થયા હતા. આ દરમિયાન લાખોની સંખ્યામાં લોકો બેઘર પણ થઈ ગયા હતા. આખે આખા શહેર કાટમાળમાં ફેરવાઈ ગયા હતા. આ ભૂકંપ 6.3ની તીવ્રતાનો હતો જે બે દાયકામાં દેશમાં આવેલા સૌથી વિનાશક ભૂકંપ પૈકીનો એક સાબિત થયો હતો.
Tags afghanistan india Rakhewal