દેશમાં શિક્ષકોની 8 લાખથી વધુ જગ્યાઓ ખાલી, જાણો કયા રાજયમાં કેટલી જગ્યા ખાલી

દેશમાં શિક્ષકોની 8 લાખથી વધુ જગ્યાઓ ખાલી છે. કેન્દ્રીય શિક્ષણ મંત્રાલય દ્વારા જાહેર કરવામાં આવેલા આંકડા મુજબ, વિવિધ રાજ્યોની સરકારી શાળાઓમાં શિક્ષકોની 8.4 લાખથી વધુ જગ્યાઓ ખાલી છે. આ ખાલી જગ્યાઓ પ્રાથમિક અને માધ્યમિક બંને સ્તરે છે. પ્રાથમિક શાળાઓમાં શિક્ષકોની મોટાભાગની જગ્યાઓ ખાલી છે. ચાલો જાણીએ કે યુપી, બિહાર સહિતના કયા રાજ્યોમાં પ્રાથમિક અને માધ્યમિક શિક્ષકોની કેટલી જગ્યાઓ ખાલી છે.

મીડિયા રિપોર્ટ્સ અનુસાર, મંત્રાલય દ્વારા જાહેર કરવામાં આવેલા આંકડા અનુસાર, પ્રાથમિક શાળાઓમાં શિક્ષકોની 7.2 લાખ જગ્યાઓ અને માધ્યમિક શાળાઓમાં શિક્ષકોની 1.2 લાખ જગ્યાઓ ખાલી છે. બિહાર, ઉત્તર પ્રદેશ અને ઝારખંડ રાજ્યોમાં પ્રાથમિક અને માધ્યમિક સ્તરે શિક્ષકોની અડધાથી વધુ જગ્યાઓ ખાલી છે.

આ રાજ્યોમાં પ્રાથમિક શિક્ષકોની વધુ જગ્યાઓ ખાલી છે
બિહાર- 1,92,097
ઉત્તર પ્રદેશ – 1,43,564
ઝારખંડ- 75,726
પશ્ચિમ બંગાળ 53,137
મધ્ય પ્રદેશ – 52,394

આ રાજ્યોમાં માધ્યમિક શિક્ષકોની જગ્યાઓ ખાલી છે
બિહાર- 32,929
ઝારખંડ- 21,717
મધ્ય પ્રદેશ – 15,145
ઉત્તર પ્રદેશ – 7,492
પશ્ચિમ બંગાળ 7,378