શામળાજીના અણસોલ ચેકપોસ્ટ પાસે વિદેશી દારૂ ગુજરાતમાં ઘુસાડાવા બુટલેગરો સક્રિય

દિવાળીના તહેવારો નજીક આવતા જાય એમ બુટલેગરો વિદેશી દારૂ ગુજરાતમાં ઘુસાડવા માટે સક્રિય બનતા જાય છે. ત્યારે આજે શામળાજી પાસે આવેલ અણસોલ ચેકપોસ્ટથી મોટી માત્રામાં વિદેશી દારૂ ઝડપાયો હતો.

ગુજરાત અને રાજસ્થાનની સરહદે આવેલ શામળાજીની અણસોલ ચેકપોસ્ટ પાસે આજે શામળાજી પોલીસ વાહન ચેકીંગમાં હતી. તે દરમિયાન એક ટ્રકમાં શંકાના આધારે વાહન ચેકીંગ કરતા તેમાંથી રૂપિયા 25 લાખ 5 હજાર 600ની કિંમતનો 445 પેટીમાંથી 5340 નંગ બોટલ વિદેશી દારૂ સાથે એક આરોપીની ધરપકડ કરી હતી. જેમ જેમ દિવાળીના તહેવારો નજીક આવતા જાય છે એમ તહેવારોને રંગીન બનાવવા માટે બુટલેગરો પણ પરપ્રાંતમાંથી ગુજરાતમાં ઘુસાડવા માટે સક્રિય બન્યા છે.