સુરતમાં હૃદય રોગનો એટેક આવતા 3 લોકોનાં મોત

છેલ્લા ઘણાં સમયથી ગુજરાતમાં હાર્ટ એટેકના કેસ વધ્યાં છે ત્યારે સુરતમાં એક જ દિવસમાં ત્રણ જેટલા લોકો હાર્ટ એટેકથી મૃત્યુ પામતા હાહાકાર મચી ગયો છે. અમરોલી, પાંડેસરા અને વરાછામાં ત્રણ લોકોએ હાર્ટ એટેકને કારણે જીવ ગુમાવ્યા છે.

હાલમાં સતત હાર્ટ એટેકના કિસ્સાઓ વધી રહ્યા છે તેવામાં સુરત શહેરમાં ત્રણ લોકોના મોત હાર્ટ એટેકથી થયાની આશંકા વ્યક્ત કરવાના આવી રહી છે. સુરતના અલગ અલગ વિસ્તારમાં રહેતા ત્રણ લોકોને નાની વયે જ હાર્ટ એટેક આવ્યો હોવાની ઘટના સામે આવી હતી. સુરતના અમરોલી વિસ્તારનો એક યુવાન તેમજ પાંડેસરાનો યુવાન અને વરાછાના યુવાનને છાતીમાં દુખાવો ઉપડ્યા બાદ હોસ્પિટલમાં લઈ જતા ફરજ પરના તબીબે મૃત જાહેર કર્યા હતા. આ સાથે જ ત્રણેયમાં ડોક્ટરોએ હાર્ટ એટેકની આશંકા વ્યક્ત કરી હતી.