બનાસકાંઠામાંથી શંકાસ્પદ ઘી ઝડપાયું, 150 ડબ્બા જપ્ત

તહેવારના ટાણે બજારમાંથી ઘી ખરીદતા પહેલા ચેતજો નહીંતર તમે બિમાર પડી શકો છો. આ એટલા માટે કારણ કે બનાસકાંઠામાં ચડોતર નજીકની દુકાનમાં FOOD વિભાગે દરોડા પાડયા હતા. જયાં સોનમ વેજ ફેડ ઘીના 150 ડબ્બા સીઝ કરવામાં આવ્યા હતા.

તંત્ર દ્વારા ઘીના સેમ્પલ લઈને લેબમાં મોકલ્યા. મહત્વનું છે કે સોનમ વેજ ફેડ ઘી ડીસાના વેપારીનું હોવાનું સામે આવ્યું છે. ડબ્બા પર પેકેજીંગ અને એક્સપાયરી ડેટ ન હોવાથી ફૂડ વિભાગે કાર્યવાહી કરી હતી. મહત્વનુ છે કે હાલમાં તહેવાર છે જેને ધ્યાને રાખી તંત્ર દ્વાર વિવિધ એકમોમાં ફૂડની ગુણવતાને લઈ ચકાસણી કરવામાં આવી રહી છે. જેના ભાગ રૂપે આ કાર્યવાહી કરવામાં આવી.