હવામાન નિષ્ણાતની ભારે આગાહી, રાજ્યમાં ભારે પવન સાથે કરા પડવાની સંભાવના

હવામાન વિભાગ દ્વારા વધુ એક આગાહી કરવામાં આવી છે. રાજ્યમાં હાલ તો વાતાવરણ સૂકું છે. પરંતુ એક વેસ્ટન ડિસ્ટર્બન્સ સક્રિય થયુ છે. જેની અસરના કારણે કમોસમી વરસાદની શક્યતા છે. જેના કારણે ખેડુતોની ચિંતામાં વધારો થયો છે. આગામી 14થી 17 ઓક્ટોબરના કમોસમી વરસાદની આગાહી છે. જેમાં અમદાવાદ, આણંદ, મહિસાગર, સાબરકાંઠા, અરવલ્લી, બનાસકાંઠા વિસ્તારમાં વરસાદની શક્યતા છે. જોકે હવામાન નિષ્ણાત અંબાલાલ પટેલે અગાઉથી અનુમાન જાહેર કર્યુ હતુ ,કે વેસ્ટન ડીસ્ટર્બન્સના કારણે ગુજરાતના વાતાવરણને અસર કરશે

હવામાન નિષ્ણાત અંબાલાલ પટેલે ન્યુઝ 18 ગુજરાતી સાથે વાત કરતા જણાવ્યુ છે કે, અરબી સમુદ્ર અને બંગાળની ખાડી બંનેમાં વાવાઝોડા આકાર લેશે. 16 ઓક્ટોબરના અરબી સમુદ્રમાં હલચલ જોવા મળશે. આ ઉપરાંત 18 ઓક્ટોબરથી એક લો પ્રેશર બનશે અને 22 ઓક્ટોબર સુધીમાં વાવાઝોડું બનવાની શક્યતા રહેશે. આ વાવઝોડુ મજબૂત હશે. તેને ઉતર પૂર્વિય પવનોની ગતી મળશે. બંગાળના ઉપસાગરનો ભેજ મળશે જેના કારણે આ સિસ્ટમ મજબૂત બનશે. જેના કારણે પશ્ચિમ ઘાટ પર ગોવાથી નીચેના ભાગમાં ભારે વરસાદ થવાની શક્યતા રહેશે.આ સાથે તેમણે એમ પણ જણાવ્યુ કે, અરબી સમુદ્રની સાથે સાથે બંગાળના ઉપસગારમાં પણ સિસ્ટમ બનશે. બંનેમાં સમાંતર સિસ્ટમ બનશે. અરબી સમુદ્રની સિસ્ટમ મજબૂત થવાની શક્યતા છે.

એક પછી એક મજબુત વેસ્ટન ડિસ્ટર્બન્સ આવી રહ્યા છે ત્યારે 16 ઓક્ટોબરની સાંજે 17 થી 19 ઓક્ટોબરના દેશના ઉતરિય પર્વતિય પ્રદેશોમાં જમ્મુ કાશ્મીર, પંજાબ, હરિયાણા, રાજસ્થાન, મધ્યપ્રેદશ તેમજ ગુજરાતના ભાગોમાં કમોસમી વરસાદ થવાની શક્યતા છે. ભારે પવન અને કરા પડવાની શક્યતા રહેશે.