સિક્કિમમાં પૂરથી તબાહી, 25000 લોકોને અસર, 1200 ઇમારતો ધોવાઈ, 41ના મોત

સિક્કિમમાં અચાનક આવેલા પૂરમાં અત્યાર સુધીમાં 41 લોકોના મોત થયા છે. 1200 જેટલા ઘરો ધોવાઈ ગયા છે. જ્યારે સેનાના 15 જવાનો સહિત 103 લોકોની શોધ ચાલી રહી છે.

અધિકારીઓએ જણાવ્યું કે દુર્ઘટનાના ત્રીજા દિવસે કાટમાળ અને કાદવ નીચે ફસાયેલા લોકોને બચાવવા માટે બચાવ ટીમ કામ કરી રહી છે. આ કુદરતી આફતમાં લગભગ 25 હજાર લોકો પ્રભાવિત થયા છે. મીડિયા રિપોર્ટ અનુસાર સિક્કિમમાં અત્યાર સુધીમાં 19 મૃતદેહો મળી આવ્યા છે. આ સિવાય અધિકારીઓએ જણાવ્યું કે ઉત્તર બંગાળના નીચેના જિલ્લાઓમાં 22 મૃતદેહ મળી આવ્યા છે. તેમણે એમ પણ જણાવ્યું કે હોસ્પિટલમાં 26 લોકો દાખલ છે અને લગભગ 1500 લોકો રાહત શિબિરોમાં છે.

સેનાના 15 જવાનોની શોધ ચાલુ છે

ભારતીય સૈન્યના જવાનો પણ સિક્કિમમાં પૂરનો ભોગ બન્યા છે. તિસ્તા બેરેજના નીચેના ભાગમાં લાપતા 15 સૈનિકોની શોધ ચાલુ છે. તાજેતરમાં તેના સાત સાથીઓના મૃતદેહ મળી આવ્યા હતા. સિંગતમ નજીક બર્દાંગમાં ઘટના સ્થળ પર સેનાના વાહનો અને દુકાનો ખોદી કાઢવામાં આવી રહી છે. સર્ચ ઓપરેશનમાં મદદ કરવા માટે ટ્રાઇકલર માઉન્ટેન રેસ્ક્યુ (ટીએમઆર), આર્મી સાથે જોડાયેલી સંસ્થા, સ્નિફર ડોગ્સ અને વિશેષ રડારની વધારાની ટીમોની મદદ લેવાઇ રહી છે.

ભારતીય સૈન્યના જવાનો પણ સિક્કિમમાં પૂરનો ભોગ બન્યા છે. તિસ્તા બેરેજના નીચેના ભાગમાં લાપતા 15 સૈનિકોની શોધ ચાલુ છે. તાજેતરમાં તેના સાત સાથીઓના મૃતદેહ મળી આવ્યા હતા. સિંગતમ નજીક બર્દાંગમાં ઘટના સ્થળ પર સેનાના વાહનો અને દુકાનો ખોદી કાઢવામાં આવી રહી છે. સર્ચ ઓપરેશનમાં મદદ કરવા માટે ટ્રાઇકલર માઉન્ટેન રેસ્ક્યુ (ટીએમઆર), આર્મી સાથે જોડાયેલી સંસ્થા, સ્નિફર ડોગ્સ અને વિશેષ રડારની વધારાની ટીમોની મદદ લેવાઇ રહી છે.

પશ્ચિમ બંગાળના જલપાઈગુડી જિલ્લામાં તીસ્તામાં તરતા મોર્ટારને સ્પર્શવાથી બે લોકોના મોત થયા હતા અને છ ઘાયલ થયા હતા. આ પછી, પોલીસ, સેના અને પ્રશાસને નિવેદનો જારી કરીને લોકોને કોઈપણ વિસ્ફોટક અથવા આર્મી હાર્ડવેરની નજીક જવા અથવા સ્પર્શ કરવા પર પ્રતિબંધ મૂક્યો છે. તેમજ આવી કોઈ સામગ્રી જોવા મળે તો નજીકના પોલીસ સ્ટેશનમાં તેની જાણ કરવા પણ કહેવામાં આવ્યું છે.