કિંગ કોહલીનું રાજકોટમાં ભવ્ય સ્વાગત, વિરાટને જોવા લોકોની ભીડ ઉમટી

રાજકોટમાં 27 સપ્ટેમ્બરે ભારત-ઓસ્ટ્રેલિયા વન-ડે સિરીઝની અંતિમ મેચ રમાવાની છે, ત્યારે ક્રિકેટર વિરાટ કોહલી (Virat Kohli)  રાજકોટ પહોંચી ગયા છે. ભારતીય ક્રિકેટ ટીમ ગઇકાલે જ રાજકોટ પહોંચી ગઇ હતી. હવે વિરાટ કોહલી પણ રાજકોટ પહોંચી ગયા છે.વિરાટ કોહલી પહેલી બે મેચમાં સામેલ ન હોવાથી તેઓ આજે રાજકોટ પહોંચ્યા છે.

સયાજી હોટલ ખાતે ફૂલ આપીને વિરાટ કોહલીનું સ્વાગત કરવામાં આવ્યુ હતુ. ગઇકાલે પણ તમામ ક્રિકેટરોને અહીં પરંપરાગત ગરબા રમીને અને ફુલ આપીને આવકારવામાં આવ્યા હતા. તો ઓસ્ટ્રેલિયન ટીમનું ફોર્ચ્યુંન હોટલ ખાતે સ્વાગત કરાયું હતુ.

રાજકોટમાં 27 સપ્ટેમ્બરે ભારત-ઓસ્ટ્રેલિયા વચ્ચે વનડે સિરીઝની અંતિમ મેચ રમાશે. વર્લ્ડકપ પહેલા બન્ને ટીમ માટે આ સિરીઝ મહત્વની છે. ભારતીય ક્રિકેટ ટીમે રાજકોટમાં ધમાકેદાર એન્ટ્રી મારી હતી. સયાજી હોટલ ખાતે ટીમ ઈન્ડિયાનું પરંપરાગત ગરબા અને ફૂલ આપીને ક્રિકેટરોને આવકારવામાં આવ્યા. રવિન્દ્ર જાડેજા,કે એલ રાહુલ,મોહમ્મદ સિરાજ,ઈશાન કિશાન,સુર્યા કુમાર યાદવ,શ્રેયસ ઐયર સહિતના ક્રિકેટરોનું ભવ્ય સ્વાગત થયું. ઓસ્ટ્રેલિયન ટીમનું ફોર્ચ્યુંન હોટલ ખાતે સ્વાગત કરાયું. ભારત-ઓસ્ટ્રેલિયાના મુકાબલાને લઈને રાજકોટમાં ક્રિકેટ ફિવર છવાયો છે.