![](https://www.rakhewaldaily.com/wp-content/uploads/2023/08/sima.png)
બોલીવુડમાં એન્ટ્રી કરશે સીમા હૈદર, આ ફિલ્મમાં નિભાવશે RAW એજન્ટનો રોલ
પ્રોડક્શન હાઉસની ટીમ ગુરુવારે યુપીના ગ્રેટર નોઈડામાં સીમા હૈદરને ત્યાં પહોંચી હતી. ફિલ્મ નિર્દેશક જયંત સિન્હા અને ભરત સિંહે સીમા હૈદરનું ઓડિશન આપ્યું હતું. A Tailor Murder Story’ માટે સીમાનું ઓડિશન લેવામાં આવ્યું હતું. આ ફિલ્મ ઉદયપુરમાં દરજી કન્હૈયા લાલ સાહુની હત્યા પર બની રહી છે. આ ફિલ્મમાં સીમા RAW એજન્ટની ભૂમિકા ભજવશે. એટલું જ નહીં, ફિલ્મ નિર્માતા અમિત જાનીએ પણ હિંદુ ધર્મ અપનાવવા બદલ કેસરી શાલ ઓઢાડીને સીમાનું સ્વાગત કર્યું હતું.
હાલ સીમા હૈદર અને ફિલ્મ પ્રોડક્શન ટીમ એટીએસના રિપોર્ટની રાહ જોઈ રહી છે. બીજી તરફ રાજકીય પક્ષો પણ સીમા હૈદરનો રાજકારણમાં પ્રવેશ કરવા માટે સંપર્ક કરી રહ્યા છે. રિપબ્લિકન પાર્ટી ઓફ ઈન્ડિયાના રાષ્ટ્રીય પ્રવક્તા કિશોર માસૂમે પાર્ટીમાં જોડાવાનો ઈરાદો વ્યક્ત કર્યો છે. કિશોર માસૂમનું કહેવું છે કે જો સીમા હૈદર નિર્દોષ સાબિત થાય છે અને તેના જાસૂસ હોવાના કોઈ પુરાવા નથી અને સાથે જ તેને ભારતીય નાગરિકતા પણ મળે છે, તો તે સ્થિતિમાં તેને રિપબ્લિકન પાર્ટી ઓફ ઈન્ડિયા ઉત્તર પ્રદેશ મહિલા વિંગની અધ્યક્ષ બનાવવી જોઈએ.
કિશોર માસૂમે વધુમાં કહ્યું કે, સાથે જ તેઓ પાર્ટીના સિમ્બોલ પર પણ ચૂંટણી લડી શકે છે. કિશોર માસૂમ કહે છે કે સીમા હૈદર ખૂબ જ સારી વક્તા છે અને તેણે રાજકારણમાં પોતાનું નસીબ અજમાવવું જોઈએ. આ સાથે જ તેમણે કહ્યું કે જો સોનિયા ગાંધી ઈટાલીથી આવ્યા બાદ ભારતમાં રાજનીતિ કરી શકે છે અને વડાપ્રધાન પદની દાવેદાર પણ બની શકે છે તો પાકિસ્તાનની સીમા હૈદર રાજનીતિમાં કેમ ન આવી શકે.
જણાવી દઈએ કે કિશોર માસૂમ મૂળ રબુપુરા પાસે આવેલા ગામ જેવરના દયાનતપુર ગામનો રહેવાસી છે. હાલમાં તેઓ કેન્દ્રીય મંત્રી રામદાસ આઠવલેની આરપીઆઈના રાષ્ટ્રીય પ્રવક્તા છે. ઉલ્લેખનીય છે કે પાકિસ્તાનથી ભાગી ગયેલી સીમા હૈદર ગ્રેટર નોઈડાના રાબુપુરા ગામમાં રહેવા લાગી છે.