Google Pay UPI Lite નો પીન-ફ્રી સ્મોલ વેલ્યુ ફીચર, જાણો વ્યવહારોને કેવી રીતે PIN-free બનાવશે
વ્યવહારોને વધુ સરળ અને ઝડપી બનાવવાના પ્રયાસરૂપે, ડિજિટલ પેમેન્ટ પ્લેટફોર્મ Google Pay એ નવી UPI PIN-ફ્રી ‘Lite’ સુવિધા શરૂ કરી છે. આ નવો પેમેન્ટ વિકલ્પ વપરાશકર્તાઓને 24 કલાકમાં બે વાર રૂ. 2,000 અને એક ક્લિકમાં રૂ. 200 સુધીના ઇન્સ્ટન્ટ ટ્રાન્ઝેક્શન માટે વધુમાં વધુ રૂ. 4,000 ઉમેરવાની મંજૂરી આપશે.
માહિતી મુજબ, UPI લાઇટ સુવિધા રીઅલ ટાઇમ બેંક વ્યવહારો પર નિર્ભર નથી. આનો અર્થ એ થયો કે લિંક કરેલ બેંકનું સર્વર ડાઉન હોવા છતાં પણ વપરાશકર્તા દિવસના કોઈપણ સમયે વ્યવહાર કરી શકશે. દરેક ટ્રાન્ઝેક્શન માટે યુઝરે દર વખતે UPI પિન દાખલ કરવો જરૂરી નથી. વૉલેટમાંથી પેમેન્ટ માત્ર એક ક્લિકથી કરી શકાય છે.
UPI લાઇટનો ઉપયોગ કેવી રીતે કરવો
UPI લાઇટનો ઉપયોગ કરવા માટે, Google Pay એપ્લિકેશનને મોબાઇલ પર ખોલવી પડશે.
ઉપરના જમણા ખૂણામાં પ્રોફાઇલ ચિત્ર પર ક્લિક કરો.
ચુકવણી પદ્ધતિ વિભાગમાં UPI Lite વિકલ્પ પસંદ કરો.
તમે જે બેંક એકાઉન્ટને UPI Lite સાથે લિંક કરવા માંગો છો તેને પસંદ કરો.
UPI Lite વૉલેટમાં ઉમેરવા માટે રકમ (રૂ. 2,000 સુધી) દાખલ કરો.
ટોપ-અપને પ્રમાણિત કરવા માટે UPI PIN દાખલ કરો
આ રીતે તમે UPI લાઇટનો ઉપયોગ શરૂ કરી શકો છો.
માત્ર એક એકાઉન્ટનો ઉપયોગ કરી શકશે
વપરાશકર્તા માટે એ નોંધવું મહત્વપૂર્ણ છે કે Google Pay પર માત્ર એક UPI Lite એકાઉન્ટ જરૂરી છે. જેમાં, જો કોઈ યુઝર પાસે UPI સાથે એકથી વધુ બેંક એકાઉન્ટ જોડાયેલા હોય, તો તે UPI લાઇટ માટે તેમાંથી માત્ર એકનો ઉપયોગ કરી શકે છે.