સેલીબ્રેટી બોડીબિલ્ડરનું ૩૦ વર્ષની ઉંમરે નિધન, સાઉથની આ ફિલ્મમાં કર્યું હતું કામ 

જો લિન્ડનરની ગર્લફ્રેન્ડના જણાવ્યા અનુસાર, બોડી બિલ્ડર જોનું મૃત્યુ એન્યુરિઝમ નામની ખૂબ જ ખતરનાક બીમારીને કારણે થયું હતું. ઈન્સ્ટાગ્રામ પર તેને યાદ કરતાં જોની ગર્લફ્રેન્ડે લખ્યું, ‘જૉ દરેક માટે ખૂબ જ સારો હતો. એન્યુરિઝમને કારણે તેમનું અવસાન થયું, હું તેમની સાથે રૂમમાં હતી. તેણે મારા માટે બનાવેલો હાર મારા ગળામાં પહેરાવ્યો. અમે લાગણીશીલ હતા. ભવિષ્યમાં આવું થશે એવું કોઈએ વિચાર્યું ન હતું. તેની ગર્લફ્રેન્ડ, જે એક બોડીબિલ્ડર પણ છે, તે ઘણી વખત તેના ઇન્સ્ટાગ્રામ ફીડ પર ફિટનેસ માટેનો તેમનો સહિયારો જુસ્સો દર્શાવે છે. તેણે એમ પણ કહ્યું કે જૉ ખૂબ જ બુદ્ધિશાળી અને વફાદાર હતો.

સાઉથની ફિલ્મમાં કામ કર્યું હતું

તમને જણાવી દઈએ કે લિંડનરે અભિનેત્રી રશ્મિકા મંદન્નાની ફિલ્મ પોગારુમાં પણ કામ કર્યું હતું. આ દુઃખદ સમાચાર પછી, જોના પરિવારે આ મુશ્કેલ સમયમાં તેની ગોપનીયતાનું ધ્યાન રાખવાની અપીલ કરી છે. તેમના ચાહકો દ્વારા તેમને શ્રદ્ધાંજલિ આપવાની પ્રક્રિયા ચાલી રહી છે. ઘણા ચાહકોએ કહ્યું કે લિન્ડનર, તમારો આત્મા હંમેશા લોકોને પ્રેરણા આપશે.