![](https://www.rakhewaldaily.com/wp-content/uploads/2023/06/BHUVE.png)
ટેસ્ટ પછી આ દિગ્ગજ ક્રિકેટરનું વનડે કરિયર ખતમ! સિલેકટર્સનાં આ નિર્ણયથી મચ્યો ખળભળાટ
ટીમ ઈન્ડિયાના દિગ્ગજ ક્રિકેટરને હવે ટેસ્ટ ટીમ કે વનડે ટીમમાં રમવા માટે યોગ્ય ગણવામાં આવતો નથી. ટેસ્ટ બાદ હવે ભારતીય ટીમના આ ખેલાડીની વન-ડે કરિયર પણ પુરી થતી જણાઈ રહી છે. પસંદગીકારોએ આ ખેલાડીને ટીમ ઈન્ડિયામાંથી એવી રીતે કાઢી નાખ્યો કે જેમ કોઈ દૂધમાંથી માખી કાઢે છે. હવે ભારતની ટેસ્ટ અને વનડે ટીમમાં આ ખેલાડીની વાપસી અશક્ય લાગી રહી છે. ભારતીય ક્રિકેટ ટીમના આ ખેલાડીને પહેલા ટેસ્ટ ટીમમાંથી બહાર કરવામાં આવ્યો હતો, પછી T20 ટીમમાંથી બહાર કરવામાં આવ્યો હતો અને હવે આ ક્રિકેટરને ODI ટીમમાંથી પણ પડતો મૂકવામાં આવ્યો છે. આ ખેલાડીને વેસ્ટ ઈન્ડિઝ સામે 27મી જુલાઈથી શરૂ થનારી ત્રણ મેચની ODI શ્રેણી માટે તાજેતરમાં પસંદ કરાયેલી ભારતીય ODI ટીમમાં પસંદગીકારો દ્વારા તક આપવામાં આવી ન હતી. આ પહેલા વર્ષ 2023માં જ ન્યૂઝીલેન્ડ, શ્રીલંકા અને ઓસ્ટ્રેલિયા સામેની વનડે સીરીઝમાં પણ આ ખેલાડીનું કાર્ડ ક્લિયર થઈ ગયું હતું. આવી સ્થિતિમાં, ભારતીય ટીમના આ ખેલાડીની ટેસ્ટ અને વનડે કારકિર્દી ખતમ થઈ રહી હોય તેવું લાગી રહ્યું છે.
ટીમ ઈન્ડિયાના દિગ્ગજ ફાસ્ટ બોલર ભુવનેશ્વર કુમારની વનડે કરિયર ટેસ્ટ બાદ સમાપ્ત થઈ ગઈ છે અને હવે આ ક્રિકેટર પાસે માત્ર નિવૃત્તિનો વિકલ્પ વધ્યો છે. ભુવનેશ્વર કુમારે ટીમ ઈન્ડિયા માટે તેની છેલ્લી ODI 21 જાન્યુઆરી 2022ના રોજ દક્ષિણ આફ્રિકા સામે રમી હતી. આ સિવાય ભુવનેશ્વર કુમારે ટીમ ઈન્ડિયા માટે તેની છેલ્લી ટી20 મેચ 22 નવેમ્બર 2022ના રોજ ન્યૂઝીલેન્ડ સામે રમી હતી. વર્ષ 2018માં દક્ષિણ આફ્રિકા સામેની જોહાનિસબર્ગ ટેસ્ટ મેચમાં તેના શાનદાર પ્રદર્શનના કારને ભુવનેશ્વર કુમાર ‘મેન ઓફ ધ મેચ’ બન્યો હતો, પરંતુ તે પછી તેની ટેસ્ટ કારકિર્દી લગભગ ખતમ થઈ ગઈ હતી. આ પછી ભુવનેશ્વર કુમારને ભારતની ટેસ્ટ ટીમમાં ક્યારેય તક મળી નથી. ભુવનેશ્વર કુમાર ટેસ્ટ ક્રિકેટમાં ટીમ ઈન્ડિયાની સૌથી મોટી તાકાત હતા. ભુવનેશ્વર કુમાર બોલને બંને રીતે સ્વિંગ કરીને વિકેટ મેળવતો હતો અને જ્યારે જરૂર પડતો ત્યારે તે ભારતીય ટીમને મુશ્કેલ પરિસ્થિતિઓમાંથી બહાર લાવવા માટે બેટથી સારું પ્રદર્શન કરતો હતો. ભુવનેશ્વર કુમારે વર્ષ 2018માં તેની છેલ્લી ટેસ્ટ મેચમાં જોહાનિસબર્ગમાં દક્ષિણ આફ્રિકા સામે 63 રન બનાવ્યા હતા અને 4 મોટી વિકેટ પણ લીધી હતી.
મોહમ્મદ સિરાજ, ઉમરાન મલિક, શાર્દુલ ઠાકુર, જયદેવ ઉનડકટ જેવા ફાસ્ટ બોલરોએ હવે ભારતની ODI અને ટેસ્ટ ટીમમાં પોતાનું સ્થાન નિશ્ચિત કરી લીધું છે. આ સિવાય જસપ્રીત બુમરાહ પણ આવવાનો બાકી છે. આ તમામ ફાસ્ટ બોલરો આજકાલ પોતાના તોફાની પ્રદર્શનથી તબાહી મચાવી રહ્યા છે. આ બોલરોના કારણે હવે ભુવનેશ્વર કુમાર માટે ભારતની વનડે અને ટેસ્ટ ટીમમાં વાપસી કરવી અશક્ય છે. જણાવી દઈએ કે ભુવનેશ્વર કુમાર મોટાભાગની મેચોમાં ટીમ ઈન્ડિયા માટે હારનું કારણ બની ગયો છે. એટલા માટે હવે પસંદગીકારોએ પણ આ ખેલાડીને ટીમ ઈન્ડિયામાંથી બહારનો રસ્તો બતાવી દીધો છે. આ વર્ષે ભુવનેશ્વર કુમારને જાન્યુઆરી 2023માં શ્રીલંકા સામે રમાયેલી ODI અને T20 શ્રેણીમાં ટીમ ઈન્ડિયામાં સામેલ કરવામાં આવ્યો ન હતો. જાન્યુઆરી 2023માં જ પસંદગીકારોએ ભુવનેશ્વર કુમારને ન્યૂઝીલેન્ડ સામેની ODI અને T20 શ્રેણી માટે ટીમ ઈન્ડિયામાં તક આપી ન હતી અને માર્ચ 2023માં ઓસ્ટ્રેલિયા સામેની ત્રણ મેચની ODI શ્રેણીમાં પણ પસંદગીકારોએ ભુવનેશ્વર કુમારને તક આપી ન હતી.