શું નીતીશ તિવારીની રામાયણમાં સાઉથ સ્ટાર યશ ભજવશે રાવણનું પાત્ર? અભિનેતાનો કર્યો મોટો ખુલાસો

‘KGF 2’ની સફળતા બાદ ‘રોકી ભાઈ’ એટલે કે યશના ચાહકો તેના આગામી પ્રોજેક્ટ્સની રાહ જોઈ રહ્યા છે. ચાહકો તેમના મનપસંદ અભિનેતાને મોટા પડદા પર મોટા પ્રોજેક્ટમાં જોવા માટે ઉત્સુક છે. આ ફિલ્મને લઈને દરરોજ રણબીર અને આલિયાના નામની ચર્ચા થતી જોવા મળી રહી છે.

આ દરમિયાન એવા સમાચાર પણ આવ્યા હતા કે યશ આ રામાયણમાં રાવણના રોલમાં જોવા મળી શકે છે. જો કે આ બાબતે ક્યારેક અભિનેતાની સંમતિ તો ક્યારેક પ્રોજેક્ટમાંથી બહાર હોવાના સમાચાર સતત ચર્ચામાં રહેતા હતા. પરંતુ હવે સાઉથ સ્ટાર યશે પોતે આ તમામ સમાચારો પર પોતાનું મૌન તોડ્યું છે. તાજેતરમાં જ યશ તેની પત્ની રાધિકા પંડિત અને બાળકો સાથે તેના હોમ ટાઉન મૈસુર ગયો હતો. અભિનેતાએ ત્યાં નંજુન્દેશ્વર મંદિરની પણ મુલાકાત લીધી હતી.

દર્શન પછી, યશે મીડિયા સાથે પણ વાતચીત કરી અને તેમની આગામી ફિલ્મ યશ19 વિશે જણાવ્યું. તેણે કહ્યું કે લોકો પોતાની મહેનતની કમાણીથી ફિલ્મો જુએ છે. હું તે પૈસાની કદર કરું છું. અમે ઈમાનદારી અને સમર્પણ સાથે કામ કરી રહ્યા છીએ કારણ કે આખો દેશ જ નહીં પરંતુ દુનિયા જોઈ રહી છે. યશે વધુમાં કહ્યું કે, હું એ જવાબદારીથી વાકેફ છું. અમે લાંબા સમયથી સખત મહેનત કરી રહ્યા છીએ અને અમે સાથે મળીને જે કામ કરી રહ્યા છીએ તેનાથી દરેક ખુશ થશે. તે ખૂબ જ ટૂંક સમયમાં થશે. મેં પહેલેથી જ કહ્યું છે કે, તેમને ખુશ કરવાની જવાબદારી મારી છે અને હું તેને પૂરી કરવાનો પ્રયાસ કરીશ.

યશના કહેવા પ્રમાણે, તેણે એક સેકન્ડ પણ વ્યર્થ જવા ન દીધી. તેમની પાસે ઘણું કામ છે અને તેઓ બધા તેમાં વ્યસ્ત છે. તે બહુ જલ્દી આવશે. બીજી તરફ, રામાયણમાં રાવણનું પાત્ર ઓફર થવાના સમાચાર પર, અભિનેતાએ કહ્યું કે તે ક્યાંય ગયો નથી… તેના કામે દરેકને તેની પાસે આવવા મજબૂર કર્યા છે.