નેતાજી સુભાષચંદ્ર બોઝ જીવતા હોત તો ભારતનું વિભાજન ન થયું હોત’, NSA ડોભાલ કેમ આવું બોલ્યાં?

જો નેતાજી સુભાષચંદ્ર બોઝ જીવતા હોત તો ભારતનું વિભાજન ન થયું હોત. આ ટિપ્પણી રાષ્ટ્રીય સુરક્ષા સલાહકાર અજીત ડોભાલે કરી હતી.  ખરેખર તો  NSA ડોભાલે શનિવારે દિલ્હીમાં નેતાજી સુભાષ ચંદ્ર બોઝ મેમોરિયલ લેક્ચર આપતાં આ વાતો કહી હતી. લેક્ચર દરમિયાન NSA અજીત ડોભાલે કહ્યું કે નેતાજી તેમના જીવનમાં ઘણી વખત તેમના નિર્ણયો પર અડગ રહ્યા, તેમણે રાષ્ટ્રપિતા મહાત્મા ગાંધીને પણ પડકારવાની હિંમત બતાવી હતી.

NSA અજિત ડોભાલનું કહેવું છે કે તે સમયે ગાંધીજી તેમની રાજકીય કારકિર્દીની ટોચ પર હતા પછી તેમણે (નેતાજી) રાજીનામું આપ્યું અને જ્યારે તેઓ કોંગ્રેસમાંથી બહાર થયા ત્યારે તેમણે નવેસરથી તેમનો સંઘર્ષ શરૂ કર્યો. અજિત ડોભાલે કહ્યું કે હું સારા કે ખરાબની વાત નથી કરી રહ્યો, પરંતુ ભારતીય ઈતિહાસ અને વિશ્વ ઈતિહાસમાં એવા લોકોમાં બહુ ઓછી સમાનતા છે જેમણે પડકારોને ઝિલવાની તાકાત બતાવી હતી.

અજીત ડોભાલે કહ્યું કે નેતાજી લડાઈમાં એકલા હતા, જાપાનના રૂપમાં માત્ર એક દેશદ જે તેમની સાથે હતો. NSAએ નેતાજીના જીવન વિશે પણ વાત કરી. તેમણે કહ્યું કે નેતાજીના મનમાં વિચારો હતા કે હું અંગ્રેજો સાથે લડીશ અને આઝાદીની ભીખ નહીં માંગું. આ મારો અધિકાર છે અને હું લઈશ. NSAએ વધુમાં કહ્યું કે જો સુભાષ ચંદ્ર બોઝ ત્યાં હોત તો ભારતનું વિભાજન થયું ન હોત. ઝીણાએ એમ પણ કહ્યું હતું કે હું મારી સાથે માત્ર એક જ નેતાને લઈ જઈ શકું છું અને તે છે સુભાષચંદ્ર બોઝ.

NSA ડોભાલે કહ્યું કે મારા મગજમાં હંમેશા એક પ્રશ્ન આવે છે. જીવનમાં આપણા પ્રયત્નો મહત્વપૂર્ણ છે કે પરિણામો મહત્વપૂર્ણ છે. સુભાષચંદ્ર બોઝ દ્વારા કરવામાં આવેલા કાર્યો પર કોઈ આંગળી ચીંધી શકે નહીં. રાષ્ટ્રપિતા મહાત્મા ગાંધી પોતે તેમના ચાહક હતા. પરંતુ તમે જે પરિણામો પ્રાપ્ત કર્યા છે તેના આધારે લોકો ઘણીવાર તમને આંકે છે. તો શું સુભાષચંદ્ર બોઝના તમામ પ્રયત્નો વ્યર્થ ગયા? ડોભાલનું કહેવું છે કે તેમના મૃત્યુ પછી પણ અમે નેતાજી દ્વારા બનાવવામાં આવેલા રાષ્ટ્રવાદના વિચારોથી ડરીએ છીએ, જ્યારે ઘણા ભારતીયો તેમના વિચારોને અનુસરતા હશે. ઈતિહાસ તેના માટે નિર્દય રહ્યો છે.