સુરતમાં ભારે વરસાદના પગલે તાપી નદી બે કાંઠે
જિલ્લામાં ધોધમાર વરસાદના પગલે તાપી નદી બે કાંઠે વહી રહી છે. છેલ્લા ત્રણ દિવસથી જિલ્લામાં ધોધમાર વરસાદથી તાપી નદીમાં નવા નીર આવ્યા છે. જેને પગલે તાપી નદીની સપાટીમાં વધારો થયો છે. સુરતના કતારગામ અને રાંદેરને જોડતા કોઝવે ખાતે તાપી નદીની સપાટી 6.64 મીટર છે. જેને પગલે તાપી નદીના નયનરમ્ય દ્રશ્યો જોવા મળ્યા છે.
સુરત શહેર અને જિલ્લામાં છેલ્લા ત્રણ દિવસથી ધોધમાર વરસાદ પડી રહ્યો છે. આ સાથે ઉકાઈ ડેમમાંથી પણ 1000 હજાર ક્યુસેક પાણી છોડાઈ રહ્યું છે. જેના પગલે તાપી નદીની સપાટીમાં વધારો થયો છે. સુરતમાં કતારગામ અને રાંદેર વિસ્તારને જોડતો કોઝવે ઓવરફ્લો થતા બંધ કરી દેવામાં આવ્યો છે. કોઝવે ભયનજક 6 મીટરની સપાટી વટાવી જતા બંધ કરી દેવામાં આવ્યો છે. હાલ 64 સેન્ટિમીટર ઉપરથી ઓવરફ્લો થઈ રહ્યો છે.