![](https://www.rakhewaldaily.com/wp-content/uploads/2023/01/Rakhewal-91.jpg)
ઇડરમાં લાલપુરના યુવકને ચાઇનીઝ દોરીની 30 ફીરકી સાથે ઝડપ્યો
સાબરકાંઠા જીલ્લાના ભિલોડા ત્રણ રસ્તા પર બુધવારે રાત્રે લાલપુર ગામના યુવક પાસે ચાઇનીઝ દોરીની ૩૦ ફીરકીના થેલા સાથે ઝડપાયો હતો. જેને લઈને પોલીસે 6 હજારની ફીરકીઓ કબજે લઈને શખસ સામે કાર્યવાહી હાથ ધરી હતી.
ઇડર પોલીસ ટાઉન વિસ્તારમાં પેટ્રોલિંગમાં હતી. દરમિયાન ભિલોડા ત્રણ રસ્તે એક શખસ પાસે પ્લાસ્ટિકની બેગ હતી અને તેમાં શંકાસ્પદ વસ્તુ લાગતા શખસને બુમ પાડી ઉભો રહેવાનું કહેતા તે ઉભો રહ્યો ન હતો. તાત્કાલિક પોલીસ સ્ટાફ ઉતરીને દોડ્યો હતો અને શખસને કોર્ડન કરી લીધો હતો.