સૌથી પાવરફૂલ પાસપોર્ટ વાળા દેશોની યાદીમાં ભારત 69માં ક્રમે

આર્ટન કેપિટલે 2022માં વિશ્વના સૌથી શક્તિશાળી અને નબળા પાસપોર્ટ ધરાવતા દેશોનું લિસ્ટ જારી કર્યું છે. આ લિસ્ટમાં UAEના પાસપોર્ટને સૌથી પાવરફૂલ દર્શાવવામાં આવ્યો છે. આ લિસ્ટમાં ભારતનો પાસપોર્ટ 69માં ક્રમે છે. જ્યારે પાકિસ્તાન 94 અને બાંગ્લાદેશ 92માં સ્થાને છે.

ભારતીય નાગરિકો 24 દેશોમાં વિઝા વિના પ્રવેશ કરી શકે છે. જ્યારે 48 દેશોમાં ભારતીય નાગરિકોને વિઝા ઑન અરાઈવલની સુવિધા મળશે. આ સિવાય ભારતીય નાગરિકોને 126 દેશમાં જવા માટે વિઝાની જરૂર પડશે.

પાકિસ્તાનને આ લિસ્ટમાં 94મું સ્થાન મળ્યું છે. અહીંના નાગરિકોને માત્ર 10 દેશોમાં જ વિઝા ફ્રી એન્ટ્રી મળી શકે છે. જ્યારે 154 દેશોમાં પ્રવેશ માટે વિઝા મેળવવાની જરૂર રહેશે.

પાવરફૂલ પાસપોર્ટ વાળા દેશોની લિસ્ટમાં બીજા સ્થાને 10 યુરોપિયન દેશ જેમ કે, જર્મની, ઈટલી, ફ્રાન્સ, સ્પેન, લક્જમબર્ગ, ઉત્તર કોરિયા સહિત કુલ 11 દેશો સામેલ છે. આ તમામ દેશોના નાગરિકો 126 દેશોમાં વિઝા ફ્રી એન્ટ્રી મેળવી શકે છે. જ્યારે તેમને 47 દેશોમાં વિઝા ઑન અરાઈવલની સુવિધા મળશે.

આર્ટન કેપિટલ તરફથી જારી આ લિસ્ટમાં અમેરિકા અને બ્રિટનને ક્રમશ: ત્રીજા અને ચોથા સ્થાને રાખવામાં આવ્યા છે. અમેરિકન નાગરિકો 116 દેશ, જ્યારે બ્રિટિશ નાગરિકો 118 દેશોમાં વિઝા ફ્રી એન્ટ્રી મેળવી શકે છે.

યુનાઈટેડ નેશનમાં સામેલ 139 દેશો પૈકી UAEના પાસપોર્ટને સૌથી શક્તિશાળી દર્શાવવામાં આવ્યો છે. UAEના નાગરિકો 180 દેશોમાં સરળતાથી પ્રવેશ કરી શકે છે. અહીંના નાગરિકોને 121 દેશોમાં વિઝા ફ્રી એન્ટ્રી, જ્યારે 59 દેશોમાં વિઝા ઑન અરાઈવલની સુવિધા મળશે. UAEના નાગરિકોને માત્ર 18 દેશોમાં પ્રવેશ માટે વિઝા મેળવવા જરૂરી છે.