શ્રીનગરમાં સેના અને આતંકીઓ વચ્ચે અથડામણમાં એક આતંકી ઠાર, એક CRPFના જવાન શહીદ.
જમ્મુ-કાશ્મીરના પાટનગર શ્રીનગરમાં આતંકીઓ અને સેના વચ્ચે અથડામણમાં એક આતંકીને ઠાર કરવામાં આવ્યો છે, જ્યારે એક CRPFજવાન શહીદ થયા છે. અહીં માલબાગના વિસ્તારમાં આતંકીઓ છુપાયા હોવાની માહિતી મળ્યા પછી સેનાએ આ વિસ્તાર કોર્ડન કરીને સર્ચ ઓપરેશન શરૂ કર્યું છે. શ્રીનગરમાં છેલ્લા ૪૫ દિવસમાં આ ત્રીજી અથડામણ છે.
ડીજીપી દિલબાગ સિંહે જણાવ્યું કે, પોલીસને વિશેષ સુચના મળી હતી. SOG અને CRPFએ સાથે મળીને ઓપરેશન શરૂ કર્યું હતું. અત્યારે આસપાસના વિસ્તારોમાં સર્ચ ઓપરેશન ચાલી રહ્યું છે.
You may also like
