પાટણના પ્રસિદ્ધ વિજય હનુમાન સંન્યાસ આશ્રમ ખાતે ગુરૂ ભક્તિના ભજનનો કાર્યક્રમ યોજાયો

ધર્મની નગરી પાટણ શહેરમાં અનેક દેવી દેવતાઓ નાં મંદિરો ભક્તજનો નાં આસ્થાના પ્રતીક સમાન શોભાયમાન બની રહ્યા છે ત્યારે શહેરના મીરા દરવાજા નજીક આવેલ પ્રસિદ્ધ શ્રી વિજય હનુમાન સંન્યાસ આશ્રમ ખાતે ગુરૂવારની પવિત્ર રાત્રીએ દિવ્ય સંતવાણી કાર્યક્રમ આયોજિત કરવામાં આવ્યો હતો.આ ભક્તિ સભર સંતવાણી નો પ્રારંભ મહંત રાજેન્દ્રાનંદ ગીરીજી અને વસંતગીરીજી નાં સાનિધ્યમા ગુરૂ કલ્યાણાનંદ ગીરીજી ની કૃપાથી દીપ પ્રાગટ્ય સાથે કરવામાં આવ્યો હતો.

વિજય હનુમાન સંન્યાસ આશ્રમ ખાતે આયોજિત આ દિવ્ય ભજન સંતવાણી માં પાટણના જાણીતા ભજન કલાકાર આત્મારામભાઈ નાયી, દિનેશભાઈ દરજી, રસીકભાઈ સાધુ એ ગુરૂ ભક્તિના ભજનોની તબલા નાં તરવૈયા અરવિંદભાઈ બારોટ અને મંજીરા ના માણીગર દિલીપ સાધુ ના સથવારે રમઝટ જમાવી હતી.