વિવો દ્વારા સ્ટાઈલિશ વાય ૧૬ લોન્ચ કરવામાં આવ્યું

નવીન વૈશ્વિક સ્માર્ટફોન બ્રાન્ડ વિવો દ્વારા આજે વાય ૧૬ ના લોન્ચ સાથે ભારતમાં તેના વાય-સિરીઝ પોર્ટફોલિયોને વિસ્તાર્યો છે. ૩જીબી ૩૨જીબી માટે રૂપિયા ૯,૯૯૯ અને ૪જીબી ૬૪જીબી માટે રૂપિયા ૧૨,૪૯૯ થી શરૂ કરીને, વાય ૧૬ બે આકર્ષક રંગોમાં ઉપલબ્ધ થશે – સ્ટેલર બ્લેક અને ડ્રીઝલિંગ ગોલ્ડ. આ સ્માર્ટફોન વિવો ઈન્ડિયા ઈ-સ્ટોર અને તમામ પાર્ટનર રિટેલ સ્ટોર્સ પર ખરીદી માટે ઉપલબ્ધ હશે. વાય ૧૬ એક વિશાળ ૫,૦૦૦ એમએચ બેટરી પેક કરે છે અને તે મીડિયાટેક પી ૩૫ ઓક્ટા-કોર પ્રોસેસર દ્વારા સંચાલિત છે જે રોજિંદા કાર્યોને સરળતાથી હેન્ડલ કરે છે અને એક સરળ અનુભવ પ્રદાન કરે છે. તે એક્સટેન્ડેડ રેમ ૨.૦ (૪જીબી રેમ ૧જીબી એક્સટેન્ડેડ રેમ) સાથે ટ્રિપલ કાર્ડ સ્લોટ સાથે આવે છે જે ૧ટીબી સુધીના મેમરી વિસ્તરણને સપોર્ટ કરે છે.