નિફટી ફ્યુચર ૨૪૮૦૮ પોઈન્ટ અતિ મહત્વની સપાટી..!!!

એસએન્ડપી બીએસઈ સેન્સેક્સમાં પાવર ગ્રીડ કોર્પોરેશન ૧.૨૭%, બજાજ ફાઈનાન્સ ૦.૯૫%, એનટીપીસી લિ. ૦.૫૮%, સ્ટેટ બેન્ક ઓફ ઇન્ડિયા ૦.૩૯%, એચડીએફસી બેન્ક ૦.૨૬%, ઇન્ડસઇન્ડ બેન્ક ૦.૨૨%, બજાજ ફિનસર્વ ૦.૨૦%, ભારતી એરટેલ ૦.૧૭%, હિન્દુસ્તાન યુનીલીવર ૦.૦૭ અને ટાટા સ્ટીલ ૦.૦૩% વધ્યા હતા, જયારે ઝોમેટો લિ. ૩.૧૫%, ઇન્ફોસિસ લિ. ૧.૯૨%, ટીસીએસ લિ. ૧.૨૩%, ટેક મહિન્દ્ર ૧.૧૯%, રિલાયન્સ ઇન્ડસ્ટ્રીઝ ૧.૦૩%, એશિયન પેઈન્ટ ૧.૦૧%, એચસીએલ ટેકનોલોજી ૦.૬૬%, અદાણી પોર્ટ ૦.૬૧% અને ટાઈટન કંપની લિ. ૦.૫૧% ઘટ્યા હતા.

બજારની ભાવિ દિશા….

મિત્રો, એપ્રિલમાં સતત પાંચમાં મહિને ઈક્વિટી મ્યુચ્યુઅલ ફન્ડ સ્કીમમાં કેશ હોલ્ડિંગમાં વધારો જોવા મળ્યો હતો. ૩૦ એપ્રિલના રોજ દેશના ટોચના ૨૦ ફન્ડ હાઉસોની ઈક્વિટી સ્કીમના કુલ પોર્ટફોલિઓમાં રોકડનો હિસ્સો વધી ૭.૨૦% રહ્યો હોવાનું એક રિપોર્ટમાં જણાવાયું હતું. વૈશ્વિક સ્તરે વેપારમાં અનિશ્ચિતતાને ધ્યાનમાં રાખી ફન્ડ હાઉસો હાલમાં થોભો અને રાહ જુઓની નીતિ અપનાવી રહ્યા છે અને નવી ખરીદીમાં સાવચેતી રાખી ધરાવે છે. માર્ચમાં કેશ હોલ્ડિંગનો આંક ૬.૯૦% રહ્યો હતો. બજારમાં વોલેટિલિટીના સમયે ફન્ડ હાઉસો નીચા ભાવે ખરીદીની તકનો લાભ લેવા હાથમાં રોકડ જાળવી રાખવાનો વ્યૂહ ધરાવતા હોય છે.

વોલેટિલિટીના સમયમાં રોકાણકારો તરફથી વધતા રિડમ્પશનને પણ ફન્ડો ધ્યાનમાં રાખતા હોય છે. અમેરિકા દ્વારા ટેરિફ વોરની જાહેરાત બાદ રોજેરોજ આવતા નિર્ણયોને કારણે ઈક્વિટી બજારમાં વોલેટિલિટી જોવા મળી રહી છે. વેપાર મોરચે કોઈપણ ઘટનાક્રમની ઈક્વિટી બજાર પર સીધી અસર જોવા મળતી હોય છે. જોકે એપ્રિલમાં ફન્ડ મેનેજરો દ્વારા ઈક્વિટીની ખરીદીમાં માર્ચની સરખામણીએ વધારો જોવા મળ્યો હતો. મે માસમાં અત્યારસુધીમાં ઘરેલું સંસ્થાકીય રોકાણકારોની ભારતીય ઈક્વિટીસ કેશમાં અંદાજીત નેટ રૂ.૧૮૧૧૧ કરોડની ખરીદી રહી હોવાનું પ્રાપ્ત આંકડા જણાવે છે.

Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in