પૂર્વ સીએમ અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલે દિલ્હીમાં દલિત સમુદાયના બાળકો માટે મોટી જાહેરાત કરી છે. પૂર્વ સીએમએ કહ્યું કે દલિત સમુદાયના બાળકોને ધોરણ 1 થી 12 સુધી મફત શિક્ષણ આપવામાં આવશે. બાબા સાહેબના સન્માનમાં આમ આદમી પાર્ટી ના રાષ્ટ્રીય સંયોજક અને પૂર્વ સીએમ અરવિંદ કેજરીવાલે દિલ્હીના લોકો માટે મોટી જાહેરાત કરી છે. હવે વિદેશમાં ભણતા દલિત સમુદાયના બાળકોનો સંપૂર્ણ ખર્ચ દિલ્હી સરકાર ઉઠાવશે. એક રેલી દરમિયાન અરવિંદ કેજરીવાલે કહ્યું કે દલિત સમાજનું કોઈ બાળક પૈસાના અભાવે ઉચ્ચ શિક્ષણથી વંચિત ન રહે, આ માટે ડૉ. આંબેડકર સન્માન શિષ્યવૃત્તિ આપવામાં આવશે.
આ સ્કોલરશીપના કારણે દલિત સમાજના બાળકો વિદેશની કોઈપણ યુનિવર્સિટીમાં એડમિશન લઈ શકશે. તેનો તમામ ખર્ચ દિલ્હીની આમ આદમી પાર્ટી સરકાર ઉઠાવશે. કેજરીવાલે કહ્યું, ‘જેમ બાબા સાહેબ ભીમરાવ આંબેડકરજી વિદેશ ગયા હતા અને ઉચ્ચ શિક્ષણ મેળવ્યું હતું, તેવી જ રીતે હવે દિલ્હીના દલિત સમુદાયના બાળકો પણ વિદેશમાં જઈને કોઈપણ ખર્ચ વિના અભ્યાસ કરી શકશે.’ કેજરીવાલે કહ્યું કે દલિત સમુદાયના સરકારી કર્મચારીઓ પણ ડૉ. આંબેડકર સન્માન શિષ્યવૃત્તિ યોજનાનો લાભ મેળવી શકશે. તેઓ તેમના બાળકોને મફતમાં વિદેશ અભ્યાસ માટે પણ મોકલી શકશે.
