ભારતીય મ્યુચ્યુઅલ ફંડ ઉદ્યોગમાં મહિલાઓનું પ્રભુત્વ : વિકાસ અને પડકારો…

શ્રી નિત્યા મિશ્રા, આઈસીઆઈસીઆઈ પ્રુડેન્શિયલ મ્યુચ્યુઅલ ફંડની એક ઊર્જાવાન અને વિચારશીલ ફંડ મેનેજર છે, જેમણે તેમના વિશ્લેષણાત્મક દૃષ્ટિકોણ અને સંશોધન આધારિત અભિગમથી રોકાણકારોમાં વિશેષ વિશ્વાસ જગાવ્યો છે. બી.ટેક અને એમબીએ ઇન ફાઈનાન્સનો અભ્યાસ પૂર્ણ કર્યા બાદ તેમણે સીએફએ ચાર્ટર પ્રાપ્ત કર્યું છે, જે તેમના નાણાકીય જ્ઞાન અને વ્યવસાયિક પ્રતિબદ્ધતાનું પ્રમાણપત્ર છે. તેમણે એસબીઆઈ કેપિટલ માર્કેટ્સ અને કીસિલ જેવી અગ્રણ્ય સંસ્થાઓમાં રિસર્ચ અને ક્રેડિટ એનાલિસિસના ક્ષેત્રમાં અમૂલ્ય અનુભવ હાંસલ કર્યા બાદ વર્ષ ૨૦૧૮માં તેઓ આઈસીઆઈસીઆઈ પ્રુડેન્શિયલ એએમસી સાથે જોડાયા અને ત્યા પોતાનું કારકિર્દીનું એક નવું અધ્યાય શરૂ કર્યું.

હાલમાં નિત્યા મિશ્રા આઈસીઆઈસીઆઈ પ્રુડેન્શિયલ ઇક્વિટી અને ડેટ ફંડ, આઈસીઆઈસીઆઈ પ્રુડેન્શિયલ યુએસ બ્લુચિપ ઇક્વિટી ફંડ અને આઈસીઆઈસીઆઈ પ્રુડેન્શિયલ એનર્જી ઓપોર્ચ્યુનિટીઝ ફંડ જેવા મુખ્ય ફંડ્સનું સંચાલન સાથે આજે તેઓ અંદાજીત ૪ સ્કીમ સાથે રૂ.૧૮ હજાર કરોડ આસપાસનું એયુએમ સંભાળી રહ્યા છે. આજના ભારતીય મ્યુચ્યુઅલ ફંડ ઉદ્યોગમાં નિત્યા મિશ્રા એક એવી મહિલા અગ્રણી છે જે પોતાના કાર્યથી નવી પેઢીને શિસ્ત, જાણકારી અને આત્મવિશ્વાસથી ભરી રહી છે.

૨૦) આદિત્ય બિરલા સન લાઇફ મ્યુચ્યુઅલ ફંડના શ્રી મોનિકા ગાંધી

શ્રી મોનિકા ગાંધી, આદિત્ય બિરલા સન લાઇફ મ્યુચ્યુઅલ ફંડમાં એક અનુભવી અને અત્યંત સશક્ત ફંડ મેનેજર તરીકે જાણીતા છે, ખાસ કરીને ફિક્સ્ડ ઇન્કમ સ્કીમ્સના સંચાલનમાં. ચાર્ટર્ડ એકાઉન્ટન્ટ અને સીએઆઈઆઈ બી (સર્ટિફાઇડ એસોસિયેટ ઓફ ઇન્ડિયન ઇન્સ્ટિટ્યૂટ ઓફ બેંકર્સ) જેવી શૈક્ષણિક લાયકાતો ધરાવતા શ્રી મોનિકા ગાંધી પાસે બેંકિંગ અને ફંડ મેનેજમેન્ટ ક્ષેત્રે ૨૦ વર્ષથી પણ વધુનો ગાઢ અનુભવ છે.

તેમણે કારકિર્દીનો મોટો હિસ્સો આઈડીબીઆઈ બેન્કમાં વિતાવ્યો હતો, જ્યાં તેઓ ડેપ્યુટી જનરલ મેનેજર તરીકે મોટા ઇન્ફ્રાસ્ટ્રક્ચર પ્રોજેક્ટ્સ અને કોર્પોરેટ લોનના રિસ્ક મૂલ્યાંકન તથા સંચાલનનું કાર્ય સંભાળતા હતા. ઑગસ્ટ ૨૦૧૭માં તેઓએ આદિત્ય બિરલા સન લાઇફ એએમસીમાં સિનિયર ક્રેડિટ એનાલિસ્ટ તરીકે પ્રવેશ કર્યો અને ટૂંક સમયમાં ફિક્સ્ડ ઇન્કમ ફંડ્સના સંચાલન માટે મુખ્ય ફંડ મેનેજર તરીકે સ્થાન મેળવ્યું.

મોનિકા ગાંધી હાલમાં આદિત્ય બિરલા સન લાઇફ સેવિંગ્સ ફંડ, આદિત્ય બિરલા સન લાઇફ કોર્પોરેટ બોન્ડ ફંડ અને અન્ય ઘણા ડેટ આધારિત ફંડ્સનું સંચાલન સાથે આજે તેઓ અંદાજીત રૂ.૧૪ હજાર કરોડ આસપાસનું એયુએમ સંભાળી રહ્યા છે. તેમનો અભિગમ બોટમ-અપ ક્રેડીટ સિલેકશન પર આધારિત છે – તેઓ દરેક કંપનીના ફંડામેન્ટલ્સ, રેટિંગ્સ, કેસ ફ્લોઝ અને ઇન્ડસ્ટ્રી કન્ડિશનના ઘન વિશ્લેષણ દ્વારા ફંડનું પોર્ટફોલિયો રચે છે

મોનિકા ગાંધી આજના સમયમાં એવી મહિલા ફંડ મેનેજર છે, જેઓ શાંતિપૂર્વક પણ અત્યંત અસરકારક રીતે ભારતીય ડેટ માર્કેટમાં રોકાણકારોને સ્થિરતા અને વિશ્વાસ પૂરો પાડી રહી છે. તેમની લીડરશિપ અને પ્રક્રિયા પર આધારિત કામગીરી આદિત્ય બિરલા સન લાઇફને ફિક્સ્ડ ઇન્કમ જગતમાં મજબૂત સ્થાન અપાવી રહી છે.

૨૧) એડલવાઈઝ એસેટ મેનેજમેન્ટના શ્રી રાધિકા ગુપ્તા

શ્રી રાધિકા ગુપ્તા, એડલવાઈઝ એસેટ મેનેજમેન્ટ કંપનીના મેનેજિંગ ડિરેક્ટર અને સીઈઓ તરીકે આજે ભારતની મ્યુચ્યુઅલ ફંડ ઇન્ડસ્ટ્રીમાં એક પ્રસિદ્ધ અને પ્રભાવશાળી નામ છે. પોતાનો જીવન પ્રવાસએક અનોખી લાગણીઓથી ભરેલો છે. તેઓ પોતાને “The Girl With a Broken Neck” તરીકે ઓળખાવામાં ગૌરવ અનુભવે છે, કારણ કે શારીરિક સંઘર્ષો છતાં તેમણે જીવનમાં જે માનસિક મજબૂતી અને આત્મવિશ્વાસ દર્શાવ્યો છે, તે અનેક લોકોને પ્રેરણા આપે છે.

રાધિકાએ અમેરિકાની પ્રતિષ્ઠિત યુનિવર્સિટી ઓફ પેનસિલ્વેનિયાના વ્હાર્ટન સ્કૂલમાંથી અર્થશાસ્ત્રમાં અને મોર સ્કૂલમાંથી કમ્પ્યુટર સાયન્સમાં ગ્રેજ્યુએશન કર્યું છે. તેઓએ પોતાની કારકિર્દીની શરૂઆત મેકકિન્સે એન્ડ કંપની, માઈક્રોસોફ્ટ અને એક્યુઆર કેપિટલ જેવી અગ્રગણ્ય આંતરરાષ્ટ્રીય કંપનીઓમાંથી કરી હતી. ત્યારબાદ વર્ષ ૨૦૦૯માં તેમણે ફોરફ્રન્ટ કેપિટલ નામની પોતાની ફર્મ શરૂ કરી, જે વર્ષ ૨૦૧૪માં એડલવાઈઝ એસેટ મેનેજમેન્ટ કંપનીમાં મર્જ થઈ ગઈ.

વર્ષ ૨૦૧૭માં સીઈઓ તરીકે તેમની નિમણૂક પછી, રાધિકાએ એડલવાઈઝ એસેટ મેનેજમેન્ટ કંપનીને નવું દિશા-દૃષ્ટિ આપી. તેમણે જેપી મોર્ગન ઇન્ડિયા મ્યુચ્યુઅલ ફંડના સંપાદન અને ભારતના પહેલા સરકારી આધારિત બોન્ડ ઈટીએફ – ભારત બોન્ડ ઈટીએફનું સફળ લોન્ચિંગ કર્યું. આજની તારીખે કંપનીનું એયુએમ રૂ.૧ લાખ કરોડથી વધુ છે, જે તેના મજબૂત અને દૃઢ નેતૃત્વનું પ્રમાણ છે.

તેમનો રોકાણ અભિગમ ઇન્વેસ્ટમેન્ટમાં સિદ્ધાંતો, શિસ્ત અને લાંબા ગાળાના દૃષ્ટિકોણ પર ભાર આપે છે. તેઓ માને છે કે ‘સસ્તું જોઈને ન ખરીદો, યોગ્ય જોઈને રોકાણ કરો’. ઉપરાંત, સ્ત્રીઓ માટે તેઓ એક રોલ મોડલ બની છે. સારાંશરૂપે, રાધિકા ગુપ્તા એ ભારતીય ફાઇનાન્સ ઉદ્યોગમાં એવી નેતા છે જેઓ ક્રાંતિકારી વિચારો, પ્રેરણાદાયક જીવનકથા અને વ્યાવસાયિક કસોટી સાથે ઉદાહરણ રૂપ છે. તેમની સફર માત્ર સફળતાની નહિ પણ સંતુલન, સંવેદના અને મૂલ્યપ્રધાન નેતૃત્વની છે.

૨૨) મિરાએ એસેટ મેનેજમેન્ટના શ્રી એકતા ગાલા