નિફટી ફ્યુચર ૨૫૮૦૮ પોઈન્ટ ઉપર તેજી તરફી ધ્યાન..!!!

બીએસઈમાં કુલ ટ્રેડીંગ થયેલી ૪૧૬૪ સ્ક્રિપોમાંથી ઘટનારની સંખ્યા ૧૯૮૯ અને વધનારની સંખ્યા ૨૦૨૧ રહી હતી, ૧૫૪ શેરના ભાવમાં કોઈ ફેરબદલ જોવાયો ન હતો. જ્યારે ૯ શેરોમાં ઓનલી સેલરની મંદીની નીચલી સર્કિટ સામે ૬ શેરોમાં ઓનલી બાયરની તેજીની ઉપલી સર્કિટ રહી હતી.

બીએસઈ સેન્સેક્સ સમાવિષ્ટ શેરોમાં મુખ્યત્વે ભારત ઈલેક્ટ્રોનિક્સ ૨.૫૧%, રિલાયન્સ ઇન્ડસ્ટ્રીઝ ૧.૮૪%, એશિયન પેઈન્ટ ૧.૧૭%, અલ્ટ્રાટેક સિમેન્ટ ૧.૧૦%, કોટક બેન્ક ૦.૯૩%, એચડીએફસી બેન્ક ૦.૫૬%, ઇન્ફોસિસ લિ. ૦.૪૩%, ટાઈટન કંપની લિ. ૦.૩૦% અને ભારતી એરટેલ ૦.૨૯% વધ્યા હતા, જયારે એકસિસ બેન્ક ૨.૧૩%,  ટ્રેન્ટ લિ. ૧.૨૫%, ઈટર્નલ લિ. ૧.૧૪%, ટેક મહિન્દ્રા ૧.૦૫%, આઈસીઆઈસીઆઈ બેન્ક ૦.૯૫%, ટીસીએસ લિ. ૦.૯૧%, એનટીપીસી લિ. ૦.૭૦%, પાવર ગ્રીડ કોર્પોરેશન ૦.૬૭% અને ટાટા મોટર્સ ૦.૬૦% ઘટ્યા હતા.

બજારની ભાવિ દિશા….

મિત્રો, ભારતના અર્થતંત્રના અનેક અંદાજો વિવિધ ગ્લોબલ રેટિંગ એજન્સી આપી રહી છે. એવામાં વધુ એક અગ્રણી રેટિંગ એજન્સીએ ચાલુ નાણાકીય વર્ષ ૨૦૨૫-૨૬ માટે ભારતનો રિઅલ ગ્રોસ ડોમેસ્ટિક પ્રોડક્શન (જીડીપી) ગ્રોથ રેટ ૬.૫%થી વધુ રહેવાનો અંદાજ આપી ભારતના આર્થિક ગ્રોથની અપેક્ષાઓને વધુ પ્રબળ બનાવી છે. ઈકરાએ જણાવ્યું હતું કે આ જ સમયગાળા દરમિયાન દેશનો રિઅલ ગ્રોસ વેલ્યુ એડેડ (જીવીએ) ગ્રોથ ૬.૩%થી વધુ રહેશે. વૈશ્વિક પડકારોના કારણે નજીકના ભવિષ્યમાં ભારતની ગુડ્સ નિકાસમાં મંદી રહેવાની ભીતિ સાથે ઈકરા રેટિંગ એજન્સીએ ફુગાવાના સંદર્ભમાં રિટેલ ફુગાવો ૪.૨%થી વધુ રહેવાનો અંદાજ લગાવ્યો છે, જ્યારે જથ્થાબંધ ફુગાવો ચાલુ નાણાકીય વર્ષ માટે ૨.૭%થી વધુ રહેશે.

ઈકરાએ રાજકોષીય ખાધ જીડીપીના ૪.૪% રહેવાનો અંદાજ લગાવ્યો છે. કેન્દ્રીય બજેટમાં આવકવેરામાં મોટી રાહત, દર ઘટાડાને કારણે ઈએમઆઈમાં ઘટાડો અને ખાદ્ય ફુગાવામાં નરમાઈની જાહેરાતના કારણે ઘરગથ્થુ ખર્ચપાત્ર આવકમાં વધારો થવાની અપેક્ષા છે, ઉપરાંત સારા વરસાદના કારણે કૃષિ ક્ષેત્રે ગ્રોથ નોંધાવાના સંકેત સાથે ગ્રામીણ માંગ પણ મજબૂત રહેવાની શક્યતા છે. ત્યારે આગામી દિવસોમાં ભારતીય શેરબજાર પર તેની પોઝીટીવ અસર જોવા મળી શકે છે.

ડિસ્ક્લેમર / પોલીસી / શરતો www.nikhilbhatt.in ને આધીન…!!!

The securities quoted are for illustration only and are not recommendatory. Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in