ભાભર તાલુકાના તલાટીઓ હડતાળ ઉપર ઊતર્યા
ભાભર તાલુકાના તલાટી કમ મંત્રીઓએ કાળીપટ્ટી બાંધી સરકારનો વિરોધ દર્શાવી હડતાળ ઉપર ઉતર્યા છે. રાજ્ય સરકાર દ્વારા તલાટી કમ મંત્રીઓની કેટલીક માંગણીઓના પ્રશ્નોનો ઉકેલ ન આવતા તલાટીઓએ સરકાર સામે ગાંધી ચિંધ્યા માર્ગે આંદોલનનો રસ્તો અપનાવી તેમની માંગણીઓનો ઉકેલ આવે તેવી માંગ કરી છે. ભાભર તાલુકાની ૪૧ ગ્રામ પંચાયતના ર૭ તલાટી કમ મંત્રી ભાઈ- બહેનોએ ગઈકાલે ભાભર તાલુકા પંચાયત કચેરી આગળ હડતાળ ઉપર ઉતરી કાળી પટ્ટી બાંધી સરકારનો વિરોધ કર્યો હતો અને ફરજથી અળગા રહ્યા હતા.